学习版study section又到schedule时间
外建史论文 5.8 选型ppt 5.8 博物馆方案死出嚟啊 5.9
大粒佬嚟评估 5.14－5.18 场地设计温习考试 未知
27号楼屋顶方案 未知 给排水作业 5.9
经济学原理考试 6.3 挂画、色彩构成 16，15周科技楼设计→博物馆设计
虽然分数唔高，但总算是以最短的时间最轻松的心情获得大三以来最高分，其中逃了几堂课，
但比其他有机会贴出嚟果啲，自己总是觉得周身唔舒服。
只要次次有去讲方案，同老师倾多啲，图纸表现好小小，基本上都可以上架，
分数总算其次，博物馆是最后一次手绘设计作业，为上架有点想豁出去的冲动……
毕竟是要设计一间在广州西关地段的民俗文化博物馆！专英presentation 4.26
周六晚上才开始为下周三写chapter8的main idea，一篇闷秋不解嘅经济学烂鬼论文，
睇了5次（中英对照）前半部分，周日拜山係架车度睇咗1-2次（都系前半部分），
晚上开始写，仍然是前半部分。
我觉得时间冇多，于是继续睇后面嘅，始终睇唔明，卒之最后都发觉自己想得太多，
其实求其摞几个简简短短有point嘅放上去就得，结果比老师话difficult but very good。
最后发觉辣着咗自己，加上近排听得太多G字头，I字头，T字头嘅考试，
有点想豁出去学好英文的冲动……（又一个豁出去）攀登计划
有人嬲搞攀登计划，项目係研究东山新河蒲路附近的近代建筑，岩晒我河车，
其实我唔单止想搞建筑，我想成个东山嘅地理历史文化所有嘢都想研究。
不嬲都唔多理学校啲闷秋活动，不过今次又有点豁出去的冲动……
（再一个豁出去，我又有几多豁出去的热度呢？睇嚟呢镬都係冻过水……）中大管院节目4.26
痴咗条根，果晚逃课去咗中大睇果个类似花旗篸嘅竞赛，捧两个同学场，
除高中同学外，小学、初中、大学都碰到，排排坐一齐睇show，
不过除咗建筑设计部分有睇之外，其余时间都为倾偈时间。
最后一个同学果team人摞优胜奖，另一个摞三等。
而遗忘咗嘅广外云吞面档，都唔知摞第几了，2、3、5、10是但一个数呱……专业评估5.14-5.18
为咗呢段时期，孤寒学院终于用咗2百几万（仲要係借嘅）係咁易搞咗下栋27号楼，搞到似模似样咁：
有专业课室，有网上，有资料室，有橱窗，有两只猫，有类似7仔嘅鱼蛋，有coffee shop，有休闲厅，独立管理，
凭建筑学学生证进入，尽享会员专贵～！算係咁……
学院发咗啲内部资料比我地（难听啲就係叫夹口供嘅猫纸），呢啲嘢其实每届大一入嚟都好有必要摞一份嚟睇，
唔洗等到今时今日先有。生活版life section银记就在家门口
无端端昆咗lhk去陪我实地调研，顺便两个大男人去逛街，简直匪夷所思……
去度果度竟然见到谢生，同埋闻名已久的lx，四个大缆都唔多扯得埋嘅人竟然同一时间碰埋一齐，再一个匪夷所思……
之后行上下九→华贵路→龙津中→文昌北，有目的地搵老字号：陈添记、顺记、伍湛记、银记……
最后银记就在龙津中同文昌北交界，仲要係总店嚟，呢条係我踩单车返学踩咗5年嘅路，我竟然唔知……
继续匪夷所思……落雨
中旬冷空气南下有降雨过程，夜晚睇住银河园果边沙沙沙咁落，蒙查查一片，而宿舍呢边就静英英乜事都冇。
下旬大暴雨，爽到你晕，虽然整湿两次我对鞋，但係天气凉爽就可以当佢无发生过，至喜落雨，
担住把遮，一路行一路比雨点打在地上的一个个水晕催眠，完全脱离日日咁行果条夺命大斜坡嘅闷秋思绪；
担住把遮，保证有只手处于工作状态，唔洗闲时果阵双手甩下甩下，又或者懒型咁插袋；另外存在艳遇的可能。
btw落特大暴雨始终有点烦嘅，着住对湿鞋始终唔顺服，始终向往“斜风细雨不须归”，始终向往湿冬，
担住把遮，隔离有个人更佳～！益乐多阿婶
市面上多咗一班人阿婶，骑单车卖益乐多嘅阿婶，近到我屋企楼下，远到北区宿舍楼下，都见到有。
白衫、绿色格仔、粉绿色肩箱、手上一叠传单、8个半一排嘅益乐多、踩上果条夺命斜过嚟北区卖……
每次路过北一饭堂，见到卖益乐多嘅，总想去买番支，慰劳下，
但每次到最后都係谂住第日再算。网络 电话 面谈
三种唔同嘅沟通方式，引起三种唔同嘅后果，产生三种唔同嘅世界，形成三种唔同嘅人……音乐版music section
4月份，好少新碟出，
有印象嘅只有郑中基－－正宗k：
3cd，新歌＋精选，2cd粤语，1cd国语，不过我都未得闲听佢。
eason演唱会：
听eason演唱会，永远是一种享受，简简单单斋听果啲充满回忆嘅歌就可以已经调动你的声带跟住佢一齐唱。
平时听番啲旧碟为主：
02年12月 miriam's music box：一只入面冇边只歌係唔好听嘅专辑，继当年年中嘅上下半场，最后埋斋做最佳嘅专辑。
03年 我的骄傲 of joey： 一只开始发围嘅高水准专辑，撑住香港人度过难关嘅专辑。
04年4月 niv9 2 5ive of joey： 一只joey目前为止最最最高水准嘅一只专辑。
04年10月 give love a break of joey2： 短期内又一只高水准的专辑，点解可以咁犀利咖佢？
另外期待5月3日关心妍的新碟，因为已经一年零4个月冇出碟了。曼联版MU section唔好提，严重冇心情，pause to talk about the soccer till the world cup2006